కోట్ల ఆకాశాలనీ.. Thewiretelugu.in

Reading Time: < 1 minute

నేల మళ్ళీ పిల్లల్ని పెడుతుంది
కోట్ల ఆకాశాలని
తుపాకులు కడుపుతో
ఉండి కనే బుల్లెట్లు
శవాలను ముద్దాడే యుద్ధాలు

గాయాలను దాచుకోవడానికి
సరి పోని చేతులు
చేతులు కొత్తవి కావాలి
పాత గాయాలను పరామర్శించేందుకు
బట్టలకు ఎర్ర రంగు వేస్తున్నారు
చేనేత కార్మికులా వాళ్ళు

ఎరుపు నెత్తురు
నెత్తురు ఎరుపు
ముసలి రక్తమా పడుచు రక్తమా
ముస్లిం రక్తమా యూదు రక్తమా
దేశ దేశాల గర్భసంచులు తొలగిస్తున్న అగ్ర రాజ్యం వైద్యుడుసుంకాల సునామిలో
కొట్టుకు పోతున్న అర్ధాకలితో
నిద్ర పోయే నిరుపేద దేశాలు