భారతీయ స్వరం.. వందే మాతరం..! Thewiretelugu.in

Reading Time: < 1 minute

బెంగాల్ విభజన సమయాన
జాతి ఐక్యతా చిహ్నపు సందేశ శిఖరమై
బ్రిటిష్ సామ్రాజ్యం గుండెలో
వందే మాతరం కోట్ల కంఠాల చైతన్య
ఆలాపన విప్లవగీత శంఖారావం

మహాత్ముని హృదయ మందిరాన
సత్యాగ్రహ స్ఫూర్తి జ్వాలకు
స్వదేశీ ఉద్యమ విజయ సంకేత సమరం

రవీంద్రుని స్వేచ్ఛా కలల తీరాన
అక్షరాల ఆశయాల గళాన
దాస్య బంధనాలు తెంచేసేన
మహోపదేశపు కాంతిపుంజ సమూహం

సుజలాం సుఫలాం
శతాబ్దాల శబ్దాల సస్య శ్యామలం
బంకించంద్ర దేశభక్తి వేల తారకల
ఉదయ కిరణాల శాంతి మంత్రమై
ఆనంద్ మఠ్ వచన రచన
సంచలన కావ్య విశ్వవ్యాప్తం

కశ్మీర్ నుంచి కన్యాకుమారి వరకు
భవిష్యత్ భారతీయ తత్వపు పొలాల్లో
ప్రతి భారతీయుడు భావోద్వేగపు జలాల్లో
వందేమాతరం ఓ నినాద కిరీటం
వందే మా”తరం”మన సుప్రభాత
సబర్మతి సంగీత సుస్వాగతం