జ్ఞాన రథసారధి గురువు Thewiretelugu.in

Reading Time: < 1 minute

పుస్తకాలు చదవడమే కాదూ
జీవించడం ఎలాగో నేర్పేది గురువు

పలకపై ఓనమాలు దిద్దించి
అక్షరాలను ఆనంతంగా ఒదిగించి
మస్తిష్కంలో జ్ఞానబీజాలు మొలకెత్తించి
మూర్ఖత్వాన్ని వదిలించి
బుద్ధిని ప్రసాదించి
వెలుగులును పంచే కిరణాలు

అహర్నిశలు ఆత్మవిశ్వాసంతో
జ్ఞానాన్ని సృష్టించి
అజ్ఞానాన్ని తొలగించి
తల్లిగర్భపు తరగతి గదిలో
రేపటి పౌరులుగా తీర్చిదిద్దుతూ
తేజస్సు నింపే కాగడాలు

వృత్తిసంబధిత పాఠాలతో
ఆధునిక బోధనలను అందిస్తూ
అత్యున్నత నైతిక విలువలను
హక్కులను బాధ్యతలను
వ్యక్తిత్వపు మూలాలను
సక్రమంగా బోధించే జ్ఞానజ్యోతులు

నవ సమాజంలో ఉత్తమమైన
జీవన మార్గాన్ని చూపి
సముపార్జనకు గల తెలివితేటలను
బతుకునకు భవిష్యత్తును చూపే
గ్రంథాలయ భాండాగారపు
అవిశ్రాంత రథసారధి గురువు